Iwe Wiijiiwemagak Giiwedinong naanwewig gegoon
wiijitoonaawaan
Gikino’amaadiiwigamigoon wiijiiwewaad:
Gaa-mazinaatesegin ji-wiiji’igoowaad
gikino’amawaaganag, gekendaasowaad, gaa-ozhitoowaad
aabadakin ji-aabajichigaadegin gete gegoon
genawenjigaadegin, mazinichiganan gaye etegin ji-
wiiji’iwemagakin gikino’amaadiiwigamigong. Aanind
odaanaang megwaa bebakaan gegoon dazhiikigaadegin,
gagwejimindwaa agwaji-aya’ii akiing gaa-gii-
izhaawaad aaniin ezhi-ayaamagak, waabanda’iweng iwe
Roman ozhichiganan zhigwa aaniin noongom
enaweba’igeng.
Igi TakingITGlobal
odoozhitoonaawaan gegoon ji-wiiji’iwewaad
gikino’amaadiiwigamigong, wiidanokiimaawaa’ ini
Interactive Learning and Collaboration zhigwa VROC
ji-wiiji’iwemagakin gegoon nagadendamowaad gaa-
gikino’amawindwaa.
Waabanda’iwewinan mazinaatesewinan dezhiikigaadegin, ji-wiiji’igowaad gekendaasowaad gikino’amawaaganag aaniin enanokiing, aandi ge-dananokiingiban gaye.
Owe izhichigewin Wiijiiwemagak Giiwedinong gikino’amaadiiwigamigoon waawiijichigendiwaad gegoon ji-gikendamowaad. Daabishkoo bebakaan ningoji giiwedinog, zhaawanong gaye wiijichigendiwaad. Bezhig gaa-gikino’amaaged gii-ikido “…gagikenindiwag giiwedinong onj zhaawanong gaye aaniin ayizhitwaawaad, aaniin enendaagwak omaa ji-ayaang gidakiinaang.”
Aabadakin gegoon gaa-gikino’amaagewaad ji-
wiiji’igoowaad odanokiiwiniwaang. Gaa-niigaaniiwaad
owe izhichigewin odaa-gikino’amawaawaa’ ji-
wiijichigemaawaad waasa giiwedinong onji awiya’,
daa-wiiji’aawag gegoon wiikaa ji-ondinamowaapan
gemaa daa-gii-zanagani ji-gashkitoowaapan.
Bezhig Gichi-onashowewinini David Johnson dago
Mary Simon odaanaang gii-bi-giigidowag, zhigwa
miinawaa Frontier College, The Red Cross, The
Learning Partnership, Let's Talk Science dago JUMP
Math gii-dagwiiwag, aanind dash miinawaa gaye.
Iwe Cisco Networking Academy gikino’amaagewag gegoon
miziwekamig awiyag ji-anokiiwindwaa, wiijiwindwaa
gaye bebakaan endananokiing. Awashima 5.5 million
awiyag dagwiiwag imaa Networking Academy
wiijichigending gikino’amaagewining, ji-ani-aanjiseg
wendaadizing miziwe apae 1977 gaa-akiiwang. Bigo
dino gikino’amaadiiwigamigoon abooshke ishkoniganing
endananokiing, awashime 9000 dananokiiwinan,
awashime 170 akiin daa-wiiji’aawag omaa onji.
Awashime dash nawach miziwe Cisco daa-
wiiji’iwewag omaa Kaanada akiing, noomaya’ii gaye
ogii-baakinaanaawaa’ iwe Networking Academy imaa
Arctic College, Nunavut giiwedinong ji-wiiji’iwewaad
endazhiikewaad iwe ji-ayaawaad iwe Wiijichigemagak
Giiwedinong izhichigewin.
Gaa-niigaaniid iwe Ecosystem TakingITGlobal inate Kaanada
akiing gichi-ogimaawin diba’igewin (866686991RR0001) aginjigan.
Ge-miigiwewaad maagoniganing daa-miigiwewag gemaa daa-
izhinizha’igewag:
Connected North
c/o TakingITGlobal
117 Peter Street, Suite 212
Toronto, Ontario
M5V 0M3
Nindaa-andawendaamin gegoon ge-aabadakin, wegonen dinookaanan, dibaajimowinan gaye noonde-miigiweyan! Ozhibii’igan omaa iwe wii-izhi-wiiji’iweyan.
Mooshkinebii’igen ji-ganoonzhiyaang. Giga-babii’igoo ji-ganoonzhiyaang!
