ᓇᐸᐱᑫᔑᓄᐃᐧᐣ ᑭᐁᐧᑎᓄᐠ ᐱᒧᒋᑫᐃᐧᐣ ᐅᓇᒋᑫᐃᐧᐣ

ᓇᐸᐱᑫᔑᓄᐃᐧᐣ ᑭᐁᐧᑎᓄᐠ ᓂᔭᓇᐣ ᑫᑯᓇᐣ ᐅᒥᓇᐣ ᑲᐃᐧᒋᑕᐧᓂᐨ ᐃᐡᑯᓄᐃᐧᑲᒥᑯᐣ᙮
ᐁᑲᐧ ᐅᑫᐧᓂᐊᐧᐣ ᑭᑫᐣᑕᓂᐣ ᒐᐸᔑᐢ ᑲᐊᔭᑭᐣ:

ᑭᑫᐣᑕᒪᐃᐧᐣ ᐁᑲᐧ ᓇᓇᑲ ᑲᐃᔕᓂᐊᐧᐠ

ᑲᐊᐧᐸᒪᑲᓄᐊᐧᐨ ᐅᑎᐢᑯᓂᐠ, ᑭᒋᐊᓄᑭᓇᑲᓇᐠ, ᐅᐃᐧᑕᓄᑭᒥᐁᐧᐠ ᐁᑲᐧ ᑭᐦᑭᐦᓄᐦᐊᒪᑫᐃᐧ ᑐᑕᒧᐃᐧᓇᐣ ᑲᓇᐸᐱᑫᔑᓂᐊᐧᐨ ᒪᓯᓇᑌᓯᒋᑲᓂᐠ ᑐᑲᐣ ᓇᓇᑲ ᑫᑯᓇᐣ ᐱᒧᒋᑫᐃᐧᐣ ᑲᐊᐧᐸᑕᐦᐃᐊᐧᓂᐊᐧᐠ ᒥᐡᑯᐨ ᑲᐧᔭᐠ ᑭᐦᑭᓄᐦᐊᒪᑫᐃᐧᐣ ᐁᑲᐧ ᒥᓇ ᐊᐸᒋᒋᑲᓇᐣ ᒋᐊᔭᑭᐣ ᐃᐃᒪ ᐱᒋᔭᐦᐃᐠ ᑭᐦᑭᓄᐦᐊᒪᑫᐃᐧᑲᒥᑯᐠ᙮ ᑲᑭᑐᒋᑲᑌᐠ ᐱᐅᑕᓇᐠ ᑐᑲᐣ ᐁᑭᑲᓇᐊᐧᐸᑲᓂᐊᐧᐠ ᑫᑯᓇᐣ ᑲᑐᒋᑲᑌᑭᐣ ᒪᓯᓇᑌᓯᒋᑲᓇᐱᑯᐠ, ᒥᓇ ᐱᑯ ᐁᑲᑫᐧᑌᐃᐧᓇᓂᐊᐧᐠ ᐃᐡᐱᑭᔑᑯᐠ ᑲᐃᔑᐊᐧᐨ ᐊᐃᐧᔭᐠ, ᐁᑲᐧ ᒥᓇ ᕑᐅᒪᐣ ᑲᓇᐊᐧᐸᒋᑫᐃᐧᑲᒥᑯᐠ ᑲᐃᔑᓇᐊᐧᐠ ᐁᑲᐧ ᒥᓇ ᐱᑯ ᑯᑕᑭᔭᐣ ᑫᑯᓇᐣ ᑲᑐᒋᑲᑌᑭᐣ᙮

ᐁᑲᐧ ᐅᐅᐁᐧ ᐱᒧᒋᑫᐃᐧᐣ (TakingITGlobal) ᐅᑭᐅᔑᑕᒪᐊᐧᐣ ᑫᑯᓇᐣ ᐅᑫᐧᓂᐊᐧᐣ ᐃᐡᑯᓄᐃᐧᑲᒥᑯᐣ ᑫᐊᐸᒋᑐᓂᐨ, ᐁᑲᐧ ᑲᔭ ᐅᐃᐧᑕᓄᑭᒪᐣ ᐅᑫᐧᓂᐊᐧᐣ ᑭᑫᐣᒋᑫᐃᐧᐣ ᒥᓇ ᐃᐧᑕᓄᑭᒥᑐᐃᐧᐣ ᐁᑲᐧ ᐱᒧᒋᑫᐃᐧᐣ ᐱᒧᒋᑫᐃᐧᐣ (VROC) ᑫᒋᓇᐨ ᑲᐧᔭᐠ ᓇᓇᑲ ᑫᑯᓇᐣ ᒋᑕᑲᐧᓂᓂᑭᐣ ᒋᐊᐸᒋᒋᑲᑌᑭᐣ᙮


ᐁᑲᐧ ᐊᓄᑭᐃᐧᓇᐣ ᑲᐊᓂᒧᒋᑲᑌᑭᐣ

ᐁᑲᐧ ᐊᓄᑭᐃᐧᓇᐣ ᑲᐊᓂᒧᒋᑲᑌᑭᐣ ᐁᑲᐧ ᒥᓇ ᐃᐧᒋᐦᐃᐁᐧᐃᐧᐣ ᐅᒥᓂᑯᓇᐊᐧ ᐅᑎᐢᑯᓂᐠ ᒋᐊᐧᐸᒪᐊᐧᐨ ᐅᑫᐧᓂᐊᐧᐣ ᒋᐊᓄᑭᓇᑲᓇᐣ ᓇᓇᑲ ᐱᑯ ᑲᐃᓇᓄᑭᓂᐨ ᐁᑲᐧ ᑲᑕᓇᓄᑭᓂᐨ ᐁᑲᐧ ᑲᔭ ᒋᐊᐧᐸᑕᒧᐊᐧᐨ ᐅᒋᑕᒪᓱᐃᐧ ᐊᓄᑭᐃᐧᓇᐣ᙮


ᐃᔑᐱᒪᑎᓱᐃᐧᐣ ᐃᔑᒋᑫᐃᐧᐣ

ᐁᑲᐧ ᐅᐅᐁᐧ ᐱᒧᒋᑫᐃᐧᐣ ᒥᑫᐧᒪᑲᐣ ᐅᒋᑕᒪᑫᐃᐧᐣ ᒋᓇᐸᐱᑫᓂᑲᑌᑭᐣ ᑯᑕᑭᔭᐣ ᐃᐡᑯᓄᐃᐧᑲᒥᑯᐣ ᐅᐅᒪ ᓇᐸᐱᑫᔑᓄᐃᐧᐣ ᑭᐁᐧᑎᓄᐠ ᐱᒧᒋᑫᐃᐧᐣ ᐅᐅᒪ ᐅᑕ ᐃᐧᑕᓄᑭᒥᑐᐃᐧᓂᐠ ᐅᒋ᙮ ᐅᑫᐧᓂᐊᐧᐣ ᐅᑕ ᑲᔭ ᑭᐁᐧᑎᓄᐠ ᓀᐃᐧᐨ ᔕᐊᐧᓄᐠ ᓇᐸᐱᑫᔑᓄᐃᐧᓇᐣ ᐁᑲᐧ ᑭᐁᐧᑎᓄᐠ ᓀᐃᐧᐨ ᑭᐁᐧᑎᓄᐠ ᓇᐸᐱᑫᔑᓄᐃᐧᓇᐣ᙮ ᐁᑲᐧ ᓄᑭᒣᑫ ᐅᑎᐢᑯᓄᐦᐃᐁᐧ ᐅᐅᐁᐧ ᐅᑭᐃᔑᓂᑲᑕᐣ ᐱᒧᒋᑫᐃᐧᐣ “…ᐅᐃᐧᒋᐦᐃᑯᓇᐊᐧ ᑭᐁᐧᑎᓄᐠ ᒥᓇ ᔕᐊᐧᓄᐠ ᐅᑎᐢᑯᓂᐠ ᐊᓂᐣ ᒪᔭᑦ ᑫᐃᔑᑭᑫᐣᑕᒧᐊᐧᐨ ᐅᐅᐁᐧ ᑲᓇᑕ ᐊᐦᑭ ᐁᑲᐧ ᐊᓂᐣ ᒥᓇ ᐁᐃᓀᐣᑕᑲᐧᐠ ᐅᐅᒪ ᐊᐦᑭᑲᐠ ᑲᐅᒋᑎᐯᐣᑕᑯᓯᔭᐣ᙮”


ᐅᑎᐡᑯᓄᐦᐃᐁᐧᐠ ᐊᓄᑭᐃᐧ ᐃᐧᒋᐦᐃᐁᐧᐃᐧᐣ

ᒪᒪᐃᐧ ᒪᒪᑕᐃᐧ ᐱᐊᐧᐱᐠ ᐊᐸᒋᒋᑲᐣ ᒋᒥᓇᑲᓄᐃᐧᐨ ᐅᑎᐢᑯᓄᐦᐃᐁᐧ ᐁᑲᐧ ᑲᔭ ᑲᐅᒋᐃᐧᒋᐦᐃᔭᑲᓄᐃᐧᐨ ᐅᑕᓄᑭᐃᐧᓂᐠ᙮ ᐊᓄᑭᐃᐧ ᑭᐦᑭᓄᐦᐊᒪᑫᐃᐧᐣ ᑭᒋᐊᓄᑭᓇᑲᓇᐠ ᐁᑲᐧ ᐅᐃᐧᑕᓄᑭᒧᐁᐧᐠ ᐃᐧᓇᐊᐧ ᑕᑭ ᑭᐦᑭᓄᐦᐊᒪᑫᐊᐧᐠ ᐁᑲᐧ ᒋᐃᐧᑕᓄᑭᒪᐊᐧᐨ ᐅᑎᐢᑯᓄᐦᐃᐁᐧᐣ ᐃᐃᒪ ᓄᐱᒥᐠ ᑕᔑᑫᐃᐧᓇᐣ ᑲᐃᔑᑕᑲᐧᓂᓂᑭᐣ ᒥᓇ ᐱᑯ ᐅᑭᑫᐣᑕᒪᐃᐧᓂᐊᐧᐣ ᒋᒥᓇᐊᐧᐨ ᐅᓴᑦ ᐅᑕ ᐁᐡᑲᑦ ᑲᐊᓂᒪᓂᓂᐠ ᑫᑯᓇᐣ ᒋᑭᐅᑎᓇᒧᐊᐧᐨ᙮

ᐁᑲᐧ ᐱᐅᑕᓇᐠ ᒪᐊᐧᑐᐡᑲᐃᐧᓇᐣ ᐁᐦᐊᐠ ᑲᑭᐊᔭᒧᐊᐧᐨ ᐅᐊᐧᐁᐧ ᑭᒋᐅᒋᒪᑫᐧᐃᐧ ᐊᓄᑭᓇᑲᐣ ᐅᑭᒪ ᑌᐱᐟ ᒐᐧᐣᓴᐣ ᐁᑲᐧ ᒣᕑᐃ ᓴᐦᐃᒪᐣ, ᐁᑲᐧ ᐅᑫᐧᓂᐊᐧᐣ ᒪᐊᐧᑐᐡᑲᐃᐧᓇᐣ ᐱᒧᒋᑫᐃᐧᑲᒥᑯᐣ ᑲᑭᐱᒧᑐᐊᐧᐨ ᐱᕑᐊᐣᑎᕑ ᑭᒋᑭᐦᑭᓄᐦᐊᒪᑫᐃᐧᑲᒥᐠ, ᕑᐁᐟ ᑭᕑᐊᐧᐡ, ᑭᑫᐣᑕᒪᐃᐧᐣ ᐃᐧᑕᓄᑭᒥᑐᐃᐧᐣ, ᐊᔭᒥᐦᐃᑐᐃᐧᐣ ᓴᔭᐣᐢ ᐁᑲᐧ ᐃᐡᐱᑲᐧᔑᓄᐃᐧᐣ ᐊᑭᑕᓱᐃᐧᐣ ᐁᑲᐧ ᒥᓇ ᐱᑯ ᑯᑭᔭᐣ ᐱᒧᒋᑫᐃᐧᓇᐣ᙮


ᐃᐧᑕᓄᑭᒥᑐᐃᐧᐣ ᐱᒧᒋᑫᐃᐧᐣ

ᐁᑲᐧ ᐅᐅᐁᐧ ᓯᐢᑯ ᐃᐧᑕᓄᑭᒥᑐᐃᐧᐣ ᐱᒧᒋᑫᐃᐧᐣ ᓇᓇᑲ ᐱᑯ ᑫᑯᓇᐣ ᐊᓄᑭᐃᐧᓇᐣ ᒥᓇ ᐃᔑᒋᑫᐃᐧᓇᐣ ᐅᑐᔑᑕᒪᐊᐧᐣ ᑭᐦᑭᓄᐦᐊᒪᑫᐃᐧᑲᒥᑯᐣ ᐁᑲᐧ ᒥᓇ ᐊᐃᐧᔭᐣ ᐅᐅᒪ ᒥᐡᑌᑲᒥᐠ᙮ ᐊᐊᐧᔑᒣ 5.5 ᒥᓫᐃᔭᐣ ᐊᐃᐧᔭᐠ ᐊᔕ ᐅᐅᒪ ᐃᐧᒋᑕᐧᐊᐧᐠ ᐃᐧᑕᓄᑭᒥᑐᐃᐧᐣ ᐱᒧᒋᑫᐃᐧᓂᐠ ᐁᑲᐧ ᐊᒥᐁᐧ ᑲᔭ ᑲᐧᔭᐠ ᒥᐡᑌᑲᒥᐠ ᔓᓂᔭᐃᐧᐱᒧᒋᑫᐃᐧᓂᐠ ᐁᐃᔑᐃᐧᒋᑕᐧᐊᐧᐨ ᐊᐱᐣ 1997 ᑲᑭᒪᑎᓭᐠ᙮ ᐅᐅᒪ ᐃᐡᑯᓄᐃᐧᑲᒥᑯᔕᐣ ᓀᐃᐧᐨ ᑭᒋᐃᐡᑯᓄᐃᐧᑲᒥᑯᐣ ᓀᐃᐧᐨ ᑕᔑᑫᐃᐧ ᐱᒧᒋᑫᐃᐧᓇᐣ, ᐊᐊᐧᔑᒣ 9000 ᑭᐦᑭᓄᐦᐊᒪᑫᐃᐧᑲᒥᑯᐣ ᐁᑲᐧ 170 ᐊᐦᑭᐣ ᒥᑲᐧᓂᐊᐧᐣ ᐅᐅᐁᐧ ᐃᐧᑕᓄᑭᒥᑐᐃᐧᐣ ᑭᐦᑭᓄᐦᐊᒪᑫᐃᐧᐣ᙮

ᐁᑲᐧ ᓯᐢᑯ ᐊᐊᐧᔑᒣ ᐅᒥᔕᑐᐃᐧᓇᐣ ᐅᐱᒧᒋᑫᐃᐧᓇᐣ ᐅᐅᒪ ᒥᓯᐁᐧ ᑲᓇᑕ, ᐊᐦᐃ ᑲᔭ ᐅᐅᐁᐧ ᑭᐦᑭᓄᐦᐊᒪᑫᐃᐧᐣ ᓄᑯᒥᑫ ᑭᐸᑭᑎᓂᑲᑌ ᑭᒋᑭᐁᐧᑎᓄᐠ ᑲᓫᐊᐨ ᑭᒋᑭᐦᑭᓄᐦᐊᒪᑫᐃᐧᑲᒥᐠ ᑲᐃᔑᑕᑲᐧᐠ ᓄᓇᐸᐟ, ᒥᐡᑯᐨ ᒋᐃᐧᒋᐦᐃᑯᐊᐧᐨ ᒥᓇ ᒋᒥᓇᑲᓄᐊᐧᐨ ᐊᐸᒋᑕᐃᐧᓇᐣ ᐅᑫᐧᓂᐊᐧᐣ ᑕᔑᑫᐃᐧᓇᐣ ᒥᓇ ᑲᐧᔭᐠ ᒋᓇᐁᐧᐣᒋᑲᑌᐠ ᓇᐸᐱᑫᔑᓄᐃᐧᐣ ᐱᒧᒋᑫᐃᐧᐣ᙮

ᐁᑲᐧ ᑫᑭᐣ ᐃᐧᒋᑕᐧᐣ

ᐸᑭᑎᓂᑫᐣ ᒋᐃᐧᒋᑐᔭᐣ ᐱᒧᒋᑫᐃᐧᐣ

ᐊᐦᑭᐃᐧ ᑲᓇᐁᐧᐣᒋᑫᐃᐧᐣ ᐱᒧᒋᑫᐃᐧᐣ (TakingITGlobal) ᒪᓯᓇᐦᐃᑲᑌ ᐁᐱᒧᒋᑫᐃᐧᓂᐊᐧᐠ ᐅᐅᒪ ᑲᓇᑕ ᐅᑭᒪᐃᐧ ᐱᒧᒋᑫᐃᐧᓂᐠ (866686991RR0001)᙮ ᐁᑲᐧ ᐸᑭᑎᓂᑫᐃᐧᓇᐣ ᐅᐅᒪ ᐱᒧᒋᑫᐃᐧᓂᐠ ᒪᒪᑕᐃᐧ ᐱᐊᐧᐱᐠ ᓇᐣᑕ ᒪᓯᓇᐦᐃᑲᐣ ᐅᐅᒪ ᐃᔑᓂᓴᐦᐊᐣ:

Connected North
c/o TakingITGlobal
117 Peter Street, Suite 212
Toronto, Ontario
M5V 0M3

ᑭᐡᐱᐣ ᐸᑯᓭᐣᑕᒪᐣ ᐅᑫᐧᓂᐊᐧᐣ ᒋᒥᑫᐧᔭᐣ ᑭᐦᑭᓄᐦᐊᒪᑫᐃᐧᓇᐣ?

ᐁᑲᐧ ᑭᔭᐱᐨ ᐃᐧᑭᑫᐣᑕᒪᐣ ᐅᑫᐧᓂᐊᐧᐣ ᐊᐸᒋᒋᑲᓇᐣ, ᑲᐃᓇᑌᐠ, ᐁᑲᐧ ᓇᐣᑕ ᑎᐸᒋᒧᐃᐧᓇᐣ ᐁᐃᐧᒥᑫᐧᔭᐣ ᐊᐃᐧᔭᐠ ᒋᐊᐧᐸᑕᒧᐊᐧᐨ! ᐅᐅᐁᐧ ᐅᐅᒪ ᐃᔑᓇᑐᑕᒪᐣ ᑫᑭᐣ ᑫᑯᓇᐣ ᒋᒥᑫᐧᔭᐣ

ᑎᐸᒋᒧᐃᐧᐣ ᓇᓇᑕᐃᐧᑭᑫᐣᒋᑫᐃᐧᓇᐣ, ᐃᐧᑕᓄᑭᒥᑐᐃᐧᐣ ᐸᑯᓭᐣᒋᑫᐃᐧᓇᐣ

ᒧᐡᑭᓀᐱᐦᐊᐣ ᐅᐅᐁᐧ ᐯᐸᐣ ᐅᐅᒪ ᒋᐅᒋᐱᑲᓄᓂᔑᔭᐠ᙮ ᐁᑲᐧ ᒪᐊᐧᐨ ᓂᐸᑯᓭᐣᑕᒥᐣ ᐁᐃᐧᓄᑕᑯᔭᐣ!